స్వగ్రామ సర్పంచ్ కి కేసీఆర్ ఫోన్!
- గ్రామంలో సమస్యలేమున్నాయి?
- ఓ నివేదిక తయారు చేయండి
- సర్పంచ్ హంసకేతన్ రెడ్డికి సూచన
తన స్వగ్రామమైన సిద్దిపేట జిల్లా చింతమడక గ్రామ సర్పంచ్ హంసకేతన్ రెడ్డికి తెలంగాణ రాష్ట్ర సీఎం కేసీఆర్ స్వయంగా ఫోన్ చేశారు. గ్రామంలో ఉన్న సమస్యల గురించి ఓ రిపోర్ట్ తయారు చేసి తనకు అందించాలని ఈ సందర్భంగా కేసీఆర్ కోరారు. చింతమడకను అన్ని రకాలుగా అభివృద్ధి చేసేందుకు తాను కట్టుబడివున్నానని అన్నారు. ప్రజలు సుఖసంతోషాలతో ఉండాలన్నదే తన అభిమతమని చెప్పారు. త్వరలోనే చింతమడకకు తాను వచ్చి సమస్యలను స్వయంగా పరిశీలిస్తానని హంసకేతన్ రెడ్డికి కేసీఆర్ స్పష్టం చేశారు.
